Ol pipol i mas planem moa kakae long graon

Hed blong Kavman i talem se ol pipol i mas planem moa kakae long kraon blong olketa blong save laef long hem.

Praem Minista, Bob Loughman, i mekem kol ia long launching blong tu bigfala cooler blong Tafea Cooperative Association long aelan blong Tanna.

Hemi talem se “Hemia nao i fesfala wok we God i kivim long taem blong kriasen blong wol mo pipol i no mas lusum mbe holem taet oltaem.”

“Ol pipol blong Tanna oli ol man we oli wok had mo cooler ia i kam blong kipim gud ol vegetable, legume mo ol nara lokol kakae we oli planem long karen blong olketa,” Praem Minista Loughman i talem.

“Taem kol rum i wok ol pipol i mas kontinue blong putum ol kakae insaed sapos nokat bae i no save operet.

“Mi wantem mekem toktok i ko long yumi ol man ples se sapos Tafea Cooperativ Association i givim sapot blong hem blong kriatem wan kol rum, association blong cooperativ i nosave ko planem kakae olsem cabij o brocoli mo hemi nidim sapot blong yumi man ples.”

Jif Willie Kales i talem se ol fama long Tanna i lukim divelopmen ia olsem wan drim kam tru blong olketa mo oli talem tankio long kavman tru long Department blong Cooperative.

“Mi glad tumas blong luk se ol pipol blong Tafea i kat tufala cooler ia blong save salem ol produs blong olketa long hem,” Jif Kales i talem.

Komisina blong Australia long Vanuatu, Sarah de Zoeten i talem se Australia i kat strong biliv long koperativ muvmen mo hemia nao hemi kivim mani from.

Hemi talem se Australia hemi glad tumas blong sapotem turism mo cooperative sekta tru long sapot blong kavman blong Vanuatu olsem pat blong Saeklon Pam rikavari prokram we i bin damej.

“Mi understand se long wok blong rikavari prokram ia, Australia i sapotem ol lokol blong bildim ap bisnis blong olketa long cooperative blong kat akses long economic rikavari we hemi gud tumas,” Komisina Zoeten i talem.

Cooler ia i no wok yet from bambae oli mas inkrisim pawa arm blong hem bifo ol fama i fulumap.

South Pacific Commission i fandem kol rum ia mo i semak long hemia we fish market long Port Vila i stap yusum.

Kavman i setemap niufala fasiliti ia mo hemi blong helpem groem koperatif muvmen long Tafea Province.

(Visited 16 times, 1 visits today)

You might be interested in