Ol pipol i mas ripotem skin disis blong preventem spred

Wan kommuniti memba blong Worauloa, long Efate hemi raisem konsen long hae namba blong sore long skin blong ol pikinini long eria ia.

Komuniti memba we hemi raisem konsen, Esuary Deamer, hemi filem ripot i go long Ministri blong Helt blong adresem isiu blong sore long smol komuniti ia.

Hemi festaem we hemi lukim helt isiu ia long taem blong ol children class we hemi stap ranem wetem ol pikinini.

Ms Deamer hemi talem se long taem i kam hemi no stap luk ol sore ia.

Wetem help blong tu dokta blong India we oli stranded long Vanuatu oli bin identifaem sam posibol link i ko long inkris blong ol sore ia.

Fasin blong no practisim haejin, mo toti we i stap long envaeromen we oli live long hem, olsem solwora we Temporary Domestic Wharf hemi stap long hem.

Tufala Indian Dokta ia Dr Krunal Ramteke mo Dr Pooja Samteke i help blong mekem aweanes ia, abaot haejin mo hao oli save lukaotem gud ol sore blong olgeta.

Dr Krunal Ramteke i talem se, “Mifala i tijim ol perens mo ol pikinini ia long ha oblong lukaotem gud ol sore blong olgeta. Ol parens mo pikinini i mas lukaotem gud ol sore ia wetem simpol haejin praktis olsem wasem gud ol sore ia oltaem mo wasem gud han oltaem.”

Ol ofisa blong Ministri blong Helt oli bin riak long ripot we oli bin sendem, mo oli bin ko daon long komuniti blong mekem wan rapid tes blong jekem sapos ol sore ia hemi ol 50 vatu sore.

Mackline Garae olsem National Acting Coordinator blong Neglected Tropical Disease, hemi talem se oli faenem aot se sore ia hem i kos by wan nara bakteria. Oli bin tritim some long ol sore ia.

Ms Garae hemi talem se oli enkarejem ol pikinini blong oli mas ususm soap time oli swim. Mo taem oli swim long solwoa bae oli mas kam bak blong rinjim olgeta long wota mo sop.

Hemi talem se oli advaesem Dipatmen blong Envaeromen blong mekem wan tes long solwora blong luk weta hemi safe blong ol pikinini oli save swim long hem.

Ms Garae hemi presem initiative we memba blong komuniti hemi mekem blong ripot long ministri.

Hemi talem se even though hemi no Yaws or 50 vatu sore, mbe oli stap kol blong ol komuniti oli mas alertem olgeta sapos oli luk ol bigfala sore blong oli save dil wetem.

(Visited 129 times, 1 visits today)

You might be interested in