Ol pipol ova sea blong kam mekem sam impoten wok

Kavman bae i alaoem sam pipol ovasi blong kam in long kaontri blong mekem sam impoten wok.

Spoksman blong COVID-19, Len Tarivonda, i talem se ol pipol ia bae oli kam in blong mekem sam wok we ol lokol long kaontri i nosave mekem.

Mr Tarivonda i talem se taem oli komplitim wok blong olgeta, bae oli kobak long ol kaontri blong olgeta.

“ Yumi mas alaowem olketa nomo blong kam insaed long kaontri mo mekem ol wok ia mo long tete, Vanuatu bae i risivim 22 Australia Difens Fos pesonel we bae oli kam in long kaontri,” hemi talem.

“Olketa 22 army pesonel ia, Nasonal COVID-19 tasfos hemi bin apruvum olketa blong oli kam in blong dilivarem fes pat blong Vanuatu Imejensi Redio netwok, bifo saeklon sison blong Vanuatu i stat long nekis manis.

“ Mo hemia i wan exampol blong wan esensiol seves.”

Mr Tarivonda i talem se Vanuatu gavman imejensi radio netwok hemi wan 3 yia projek we hemi blong riperem mo apgredem ol redio imejensi radio netwok akros long kantri.

Hemi talem se projek ia bambae hemi stap help blong konektem long ol remote komuniti mo sapotem Vanuatu Police Force mo National Disaster Management Ofis long response blong olketa long emergency mo natural disasta.

“ Olketa 22 army blong Australia ia bae oli ko tru long 14 dei kwarentin taem oli kasem Vanuatu,” Mr Tarivonda i talem.

 

 

(Visited 11 times, 1 visits today)

About The Author

You might be interested in