Ol political party i mas stretem ol isu blong olketa

Hed blong Kavman i talem se ol isu blong ol political party i no wan wari blong kavman.

Prime Minister, Bob Loughman, i talem se “ Ol isu insaed long wan political party i nosave afektem stabiliti blong kavman long tete.”

Hemi enkarejem olketa member blong ol political party ia se sapos i kat eni isu, oli mas solvem long wan stret wei mo i mas long interest blong nation.

“ Wan wan political party i save sortem aot ol diferens we oli gat insaed long party,” Prime Minister Loughman i talem.

National United Party i asurem Prime Minister Loughman se bae hemi sapotem kavman we hemi lidim tete.

President blong National United Party mo semtaem Minister blong Climate Change, Bruno Leingkone Tau i pledgem strong sapot blong party blong hem long kavman blong tete.

“ Asurens blong National United Party i kam blong konfemem solidarity long kavman blong tete, afta we i bin gat plante toktok i stap ko raon se sam party oli save muv aot long kavman,” hemi talem.

Public Relations Ofisa blong kavman, Fred Vurobaravu, i konfemem se Mr Leingkone i lidim delekesen blong olgeta fo Member blong Palamen blong National United Party i ko luk Praem Minista long wik ia.

“I kat Vice President blong National United Party, mo semtaem Minister blong Health, Silas Bule, nambatri Deputy Speaker blong Palamen we hemi Member blong Palamen blong Malekula, Asang Sanick mo Chairman blong Parliamentary Committee we i lukaotem Institutional mo Privileges we hemi Member blong Palamen blong Ambae, John Still Tarigwetu,” hemi talem.

Coalition kavman blong tete i kat long 27 Member blong Palamen , Vanuaku Party bloc wetem nine Member blong Palamen, Union blong Moderate Party mo National United Party bloc wetem nine Member blong Palamen, mo G10 bloc wetem nine Member blong Palamen

Long ol dei we i pas, Union blong Moderate Pati tu i bin ko lukim Prime Minister Loughman blong asurem hem long sapot blong olketa.

(Visited 33 times, 1 visits today)

About The Author

You might be interested in