Ol seasonal wokman blong kobak long hom aelan afta kwarentin

Kavman i stap plan blong putum bak ol seasonal wokman we bae oli kambak, long ol hom aelan blong olketa, afta long kwarentin.

Director General long Ministry blong Health, Russel Tamata i talem se, ” Plan ia, bae i aplae nomo long ol Ni-Vanuatu wokman blong Recognised Seasonal Employee mo Seasonal Workers Program, we oli kamaot long ol aelan, blong stap kam long seken phase blong repatriation long manis August.”

Hemi talem se, “Tinktink behaen long plan ia, hemi fulap long ol family long Port Vila oli afek bikwan long COVID-19 pandemic mo laef i had from plante oli nomo wok.

Hemi talem se “Mo hemia bai i mekem se ol family bai i faenem i had moa blong tekem in olgeta repatriate bakeken long Port Vila.”

Mr Tamata i talem se plan ia, hemi stap diskasem finis wetem tim blong hem, long hao oli save mekem i wok long seken phase blong repatriation ia.

“Bae yumi wok wetem ol komuniti folem COVID-19 situasen from yumi save se laef i had tu long town,” hemi talem.

“Taem oli kamaot long 14 dei kwarentin, oli ko long ol bus mo ko long ol flaet blong kobak long ol hom aelan blong olketa.

Director General Tamata i kontinu blong talem se i kat sam isu we dipatmen i nid blong wok long hem.

Hemi talem se long taem blong join operasen blong repatriation, tim blong hem i bin lanem fulap samting finis.

“Mifala i bin lukluk bakeken process blong repatriation, mo luk ol lesson learn wetem ol patna we i help blong impruvem seves long seken phase blong repatriation.

(Visited 69 times, 1 visits today)

About The Author

You might be interested in