Ol studen long Santo i kasem help

New Zealand i kivim VT231 million blong bildim bak tri skul blong ol skul pikinini long Santo we i damej long Saeklon Harold long 2020.

Long saening long wik ia, New Zealand Commissioner long Vanuatu, Jonathan Schwass, i talem se bae hemi kivim extra VT84 million blong help impruvum save blong ol pikinini.

Olgeta skul ia, hemi Sarakata , Santo East mo Fanafo Primary skul.

Ol ruf blong ol klasrum ia, saeklon Harold i bin damejem mo kasem naoia ol pikinini oli stap skul nomo andanit long ol tapolen.

Harold i bin damejem gud fulap skul long Not long manis April las yia, mo Ministry blong Education mo Training i apreciatem financiol help we New Zealand i mekem blong helpem ol pikinini i stadi long wan gud environmen.

Long saening, New Zealand High Commissioner, Jonathan Schwass, i talem se New Zealand i hapi blong sapotem Vanuatu wetem education level blong hem.

Hemi talem se namba tu projek blong e-learning blong science, mani ia bai i helpem ol studen mo ol tija blong kam konfiten long sabjek ia science.

Minista blong Education mo Training, Honoroble Samson Samsen nao i saenem agrimen blong wok i save stat long trifala skul ia.

 

(Visited 150 times, 3 visits today)

About The Author

You might be interested in