Ol yut i kat wan polisi blong helpem olgeta

Vanuatu National Youth hemi niu polisi we Ministry blong Youth mo Sport Development i signem long wik ia.

Director General long Ministry blong Yut mo Sport Developmen, Henry Vira, i talem se, “Polisi ia bai i mekem wok i go hed gud long Ministry blong Youth mo Sport wetem Vanuatu National Youth Council blong sapotem ol yut long kaontri.”

Hemi talem se “Niu Nasonal Youth Polisi ia, i folem Youth Authority Act we Palamen i bin pasem long 2018.”

“Mo long yia ia, 2020 i jes kat polisi we Nasonal Yuth Authoriti bae i implementem,” Director General Vira i talem.

Minista blong Youth mo Sport, Willie Pakoa Satearoto, i talem se i fes taem blong em olsem niufala minista blong i saenem wan policy anda long ministry ia.

Hemi talem se, “Hemi impoten blong olketa yut i mas kat wan polisi.”

“Mi bin ko long West Malo sam taem i pas, mi luk plante yangfala oli mekem sam request i kam long Ministry ia,” hem i talem.

“Mo mi tink se long 40 yia blong Vanuatu, yumi signem wan polisi blong helpem ol yuth blong yumi.”

VBTC sport i toktok wetem John Botleng, Presiden blong Port Vila Youth Council, mo i talem se i glad long niufala policy ia.

Hemi talem se “Polisi ia i kam blong benefitim everi yangfala mo i no olketa we oli plei sport nomo from sport i kat polisi blong hem.”

“Mbe yumi we ol yuth we yumi no plei sport be stap pat long ol nara activiti, polisi i kam blong adresem wanem yumi stap mekem nao,” Mr
Botleng i talem.

“Polisi i kam blong shinem torch i kam long yumi blong talem se yes ol yangfala ia tu bae yumi no forgetem olgeta.”

Minista blong Youth mo Sports development, Willie Pakoa Satearoto, nao i signem niufala polisi ia.

Mo hemi talem tankiu long everi memba we oli help blong putum tuketa niufala Vanuatu National Youth polisi.

(Visited 253 times, 1 visits today)

About The Author

You might be interested in