Ova 100 candidate -Snap eleksen

Araon 180 candidate i kwalifae blong kontestem Snap Eleksen long October 13.

Principal Electoral Ofisa long Vanuatu Electoral Ofis, Joe Iati i konfemem tete long VBTC Nius.

Mr Iati i talem se oli kasem 225 aplikesen be 180 nomo oli ko tru.

“Olgeta we oli no ko tru ia, ofis i givim olgeta 72 haoa blong sotem aot ol kaon mo ol nara isu blong save kontest.” Mr Iati i talem.

Mr Iati i talem se 72 haoa ia i en long Tuesday aftanun.

Politikol campaign i stat long Satete naet mo bae i en long October 10.

Mr Iati i bin talem se Constitution hemi givim raet long evri sitisen we oli kasem 18 yia o mo blong save rigista mo vot long wan eleksen.

Election deit October 13 hemi wan public holidei blong evri citizen blong Vanuatu.

Acting President blong kaontri, Kenneth Natapei hemi saenem oda ia i no longtaem i pas.

VBTC Nius i harem se plante politikol campaign oli stat tete.

 

 

 

(Visited 675 times, 1 visits today)

About The Author

You might be interested in