Ova 14,000 pipol i vaksin long Sanma

Moa long 14,000 pipol long Sanma Provins i tekem COVID-19 vaksin sins August.

Sins stat blong COVID-19 vaksin rolaot blong Sanma long 25 Okis, wan totol blong 14,945 pipol long Sanma Provins we age blong olgeta i stat long 18 yia i ko antap, oli karem fes dos blong COVID-19 vaksin mo sam we oli tekem seken dose vinis.

Wan totol blong 11,563 pipol i tekem vaksin long Luganville, 2,389 long east santo mo 993 long Canal Fanafo.

COVID-19 Vaccine Supervisor long Sanma, Basil Wai, i talem se Sanma COVID-19 vaccination tim long Luganville bae oli kivim ol las fes dose blong Astrazeneca vaccine long 8 Oktoba mo ol las seken dos blong AstraZeneca long 17 December.

Mo bae oli kivim ol las fes dos blong Sinopharm vaksin long 26 November mo ol las seken dos long 17 December.

Hem i kol long pablik long eighteen yia i ko antap we oli no tekem vaksin yet blong kam fowod mo tekem vaksin blong olgeta.

So far i no bin gat eni ripot blong serious saed efek blong COVID-19 vaksin long Sanma.

Vaccination i kohed yet long Ports and Habour Terminal long Luganville mo long rurol Sanma, vaksinesen i ko hed long Canal Fanafo.