Ova 200 pipol blong muv aot-Pekoa airport extensen

Ova 200 pipol long Banban, Santo bae oli muv aot from Pekoa airport extensen wok.

Director blong Lands Dipatmen, Paul Gambetta, i talem se wik ia saening i ko hed.

“Afta we kavman i saenem, hemi kat ol prioriti projek, mo minista i disaed blong settlem peimen, haf long yia ia mo haf long nekis yia,” Mr Gambetta i talem.

“Hemi stori wetem ol client long ol tinktink ia mo oli akri long hem from oli bin wet sins 2017. Mo kavman i pem blong projek blong Pekoa i save prosid.”

Wan residen we bae hemi muv aot we i no wantem talemaot nem, i talem se mani we kavman i givim bae i beis long ol propeti we oli ownem.

Hemi talem se bae hemi ol difren amaon blong vatu.

Fulap long ol pipol ia oli putum ol haos blong olgeta we oli tinkse bambae oli stap long hem be wetem projek ia i mekem se oli agri mo disaed blong saenem agrimen mo faenem wan nara ples blong stap long hem.

Wan long ol Residen blong Banban Arantoa, Charlie Johnson hemi talem se hemi had blong leko plesia.

“Mi bin tekem ples antap ia long 1999, howeva mi no awea se bae subjek long wan projek we oli bin dikas long tu miting vinis from oli no bin talemaot se plesia i reserve,” Mr Johnson i talem.

“Kavman i bin compensate i mekem se i alaoem ol pipol blong muv isi. Mo hemi securem wan nara graon.”

Mr Johnson i go hed blong talem se kavman i kivim smol mani mo nara peimen long March 2023.

Chief Executive Ofisa blong Airports Vanuatu Limited, Jason Rakau i talem se pepes blong extensen i blong airport i tekem ol bigfala plen.

“Yumi wok blong setem ap wan master plan mo hemia nao long next 10-20 yia, wanem nao i nid blobng mekem blong apgradem airport wetem ol International Civil Aviation rul mo standard  blong tekem ol aircraft,” Mr Rakau i talemaot.

“Ol samting we yumi nidim hemi extensen blong runway o extensen blong ples we ol plen bae oli park long hem. Hemia blong save akomodetem ol bigfala plen.”

Proses blong pem graon ia i bin stat vinis long 2017 be from kavman i nogad wan funding weh i redi blong save pem aot ol pipol we liv long eria ia.

Minister blong Lands, Joshua Pikioune i stap long Santo long wik ia blong mekem ol saening mo toktok wetem ol lokol.

(Visited 1143 times, 1 visits today)

About The Author

You might be interested in