Ova 2000 pipol i tekem Astrazeneca vaccine

Ova 2000 pipol i tekem vinis Astrazenca vaccine long Convention Center, Port Vila.

Prime Minista, Honoroble Bob Loughman, i talem se Kavman i hapi tumas long turn aot we population blong Efate i mekem blong ko fowod mo tekem stik meresin blong COVID.

Hemi talem se hemi wan positiv saen nomata long plante konfusen mo kiaman infomesen long ol difren social media platform.

“Yumi mekem seken oda blong Astrazeneneca vaccine i kobak vinis long COVAX, “ Prime Minista Loughman i talem.

“Mo yumi expektem seken patch blong astrazeneca vaccine blong kam long Vanuatu long August.

“Yumi stap kasem ol COVID vaccine ia long ol bilaterial patna blong yumi; Mo kavman i askem strong ol pipol blong mekem COVID stik meresin i wan prioriti blong olgeta blong stap sef.”

Prime Minista Loughman i talem se wok we Ministry blong Health i mekem i soem hemi gud tumas taem oli handle mol olfala pipol we age blong olgeta i anda long 55 yia.

Director blong Public Health, Len Tarivonda, i talem se Astrazeneca mo Sinopharm vaccine we China i jes kivim nomo long eli wik ia, hemi ol semak COVID-19 vaccine nomo we World Health Organisation i apruvum.

Hemi talem se taem pipol i tekem stik blong vaccine ia mo oli kasem ol saed efek blong hem olsem smol fever o hed i soa i soem se meresin ia i wok long bodi.

“Ol COVID vaccine ia oli wok long difren wei blong help protektem yumi long virus ia, “ Director Tarivonda i talem.

Naoia, ol pipol blong Vanuatu oli save jus bitwin tufala COVID vaccine ia.

 

 

(Visited 97 times, 1 visits today)

About The Author

You might be interested in