Ova 300 pipol i ded -Cigarette smoking

Ova 300 pipol long Vanuatu oli lusum laef blong olgeta long wan yia from oli smoke cigarette.

National Coordinator blong Non-Communicable Disease, Gibson Ala i konfemem long VBTC nius se 67% blong populeson blong Vanuatu oli lusum laef blong olgeta finis from smoke cigarette.

Mr Ala i talem se olgeta we ded ia, age blong olgeta i no kasem 70 yet.

Ripot blong wan sevei i soem se 21% long olgeta we oli ded ia, hemi from sekon-hand smok. Difren man i smoke we wan i sidaon kolosap mo pulum smok blong cigarette we nara pipol i smokem.

Hemi talem se sevei i soem se 57% blong ol studen i expos long sekon-han smoking.

Mr Ala i talem long VBTC Nius se risk blong smoke cigarette hemi 3-taem-moa bitim ol nara sik blong Non-Communicable Disease.

Taem man o woman i smoke, i pulum i ko insaed long hem 4,000 kemikol olsem kabon monoxaed olsem hemia we i kam aot long exos blong trak, hemi pulum tu buten kemikol we oli usum long fiul blong eakraft, glu blong pepa, neil polis, mo ammonia we oli usum long fetelaesa.

Mr Ala i talem se sapos man we i smok klosap long nara man we i no smoke, bambae man we i no smok i save ded fastaem bitim man we i smok from hemi usum filta be sekon-hand smoke i pulum smoke darekt we i fula long ol difren rabis komikol ia.

Kavman blong Vanuatu i bin pasem loa blong no salem frut sigaret mbe tedei plande binis oli salem fruit cigarette.

Exaes tax blong sigaret i ko andap kasem 20% blong i kam mo aexpensi blong pem cigarette mbe sel blong fruit cigarette i kohed nomo.

Insaed long semak loa ia se nokat man i smok long pablik ples, mbe tete implementesen blong hem i weak.

Mr Ala i talem se pipol i mas stat blong muv aot long ol pipol we oli smoke from gud helt blong olgeta.