Ova 5000 pipol i pat long Labour Mobility

I kat wan inkris blong ova 5000 seasonal wokman we i pat long Labour Mobility long yia 2021.

Dipatmen blong Labour i talemaot fika ia long wan ripot we hemi rilisim long wik ia.

Long 2021 ova 2,000 oli ko wok long New Zealand mo ova 5000 oli ko wok long Australia.

Long yia 2021, namba blong ol wokman hemi ko antap long 8,047 wokman. Long 2020 i kat 2,993 wokman oli tekem pat long seasonal wokman scheme wetem estimeit seasonal wokman remitens blong ova VT2 billion.

Estimeit dikris blong mani we ol wokman i sud tekem i kam ia i folem COVID-19 Pandemic long 2019.

Ripot ia i talem se wetem ova 5000 seasonal wokman ia we oli travel long 2021, mani we bae oli tekem i kambak long kaontri bae i ova.

Long manis ia January, i kat tri flaet blong ol Ni-Vanuatu we oli ko wok long New Zealand mo fo flaet blong wokman we oli ko long Australia.

(Visited 55 times, 1 visits today)

About The Author

You might be interested in