Ova 60,000 pipol long Port Vila mo Luganville

Populasen blong Port Vila mo Luganville town hemi 66,753 pipol.

Hemia i folem latest ripot blong 2020 nasonal senses we Vanuatu National Statistic Ofis.

Ripot long Vanuatu National Statistic Ofis i soem se namba ia 66,753 pipol i ko antap long 2020 ia nomo.

Long 2016 Mini senses populasen blong tufala town ia hemi 57,195.

Vanuatu National Statistic Ofis i talem se long taem period blong fo yia, i kat wan inkris long 9,558 pipol i muv i ko long Port Vila mo Luganville.

Long niu populesen blong Port Vila taon hemi 49,034 pipol mo long Luganville i kat 17,719 pipol long hem.

Niu total namba blong ol man long Luganville mo Port Vila hemi kasem 33,606 pipol.

Long Port Vila nomo i kasem 24,614 mo long Luganville hemi 8,965 namba blong ol man.

Namba blong ol woman long town hemia 33,147 pipol.

Port Vila hem wan 24,393 mo long Luganville i kasem 8,754 woman.

2020 National Population mo Housing Census i rikodem 300,019 total populesen mo hemi namba faev senses long populasen blong Vanuatu.