Ova 80,000 pipol i tekem fes COVID stik

Ol Helt Ofisel i gohed blong rolemaot stik meresin blong COVID raon long Vanuatu wetem ova 89,000 eligible population i kasem fes dos.

Ministry blong Health i ripotem se ol pipol we oli tekem at least wan dos blong Astrazeneca o Sinopharm vaccine hemi 89,472.

Aot long namba blong olgeta we oli risivim fes dos,  1,235 hemi ol health care wokman, 2,041 hemi ol nara frontline wokman, 15,275 hemi ol olfala, 7,832 hemi ol pipol we oli kat ol sik.

Kavman i eim blong nekis yia long March, Vanuatu i sud rijim 90 per cen blong ful population we oli tekem stik blong COVID.

LOng shefa, percentage blong ol pipol we oli tekem at least one dos hemi 82 per cen mo olgeta we oli fuli vaccinate hemi 55 per cen.

Port Vila alone, 83 per cen i tekem fes dos, 55 per cent i fuli vaccinate.

Long Sanma provins, wetem total population blong 28,497 pipol, 86 per cen i tekem fes dos mo 29 percent i fuli vaccinated.

Long Tafea provins we i gat wan total population blong 20,198 pipol, 38 per cen i tekem one dose mo 1 per cen i tekem tugeta dos.

Malampa provins wetem 17,768 pipol, 43 per cen i tekem fes stik blong COVID vaccine.

Hemia i semak long Penama we 16 per cen i tekem wan dos mo Torba hemi 5 per cen.

Malampa, Penama mo Torba oli no risivim yet seken dos blong olgeta.

Ministry blong Health i ripotem se long June kasem 14 November long yia ia, ol health otoriti i yusum vinis 129,568 dos blong tufala COVID vaccine.

Sins June kasem long 14 November, 40,110 pipol blong Vanuatu i fuli vaccinate finis.

Total namba blong vaccine we Vanuatu i risivim hemi 198.000, aot long namba ia 100,000 hemi Sinopharm mo 48,000 hemi Astrazeneca tru long COVAX mo 50,000 Astrazeneca bakegen we Kavman blong Australia i givim.

 

 

 

 

 

(Visited 33 times, 1 visits today)

About The Author

You might be interested in