Ova VT100,000 kleim-Havanah fama

Ol fama blong Havanah cooperative long Efate i kleimem ova VT100,000 outstanding peimen wetem Indigenous Ni-Vanuatu Agro Industry Council.

Ova 60 fama oli kleim se oli no kasem mani ia sins long May.

Spokespersen we i toktok long behaf blong ol fama long North Efate, Morry Kalo i talem se wan fama i entitol long VT50,000-VT100,000.

“Mifala i bin salem kakae stat vinis long May kasem July ia, naoia i ko long August mifala i no karem mani yet,” Mr Kalo i talemaot.

“Mifala i nosave se wanem i rong. Mifala i stap wet, mekem mifala i nomo salem kakae tu i ko long cooperative long Federation. Ol fama ia oli kamaot long Siviri, Meten, Malafau, Tanoliu mo tufala vilij blong Moso, Tasiriki mo Sunae.

“Evri fama taem oli kam putum kakae hemi 100 kilo blong lokol kakae. Oli tekem vegetable olsem waet pun, ol banana, manioc, yam, kumala, island cabbage mo avocado.”

Long rispon, Jeaman blong Indigenous Ni-Vanuatu Agro Industry Council, Georgy Kalo i talem se dilei blong mani long health mo education i mekem oli nosave tekem mani.

Hemi talem se paymen blong VT10 million from saplae blong kakae i ko long kwarentin long taem blong COVID i dilei.

“Ol fama ia oli mekem bisnis wetem Kavman, mo taem hemi dilei oli mas patient nomo,” Mr Kalo i talemaot.

Mo wik ia finans i sud mekem seken peimen blong ol fama i save tekem long akaon blong olgeta.

 

 

 

 

 

 

(Visited 68 times, 1 visits today)

About The Author

You might be interested in