Long left, Mayor blong Luganville, Petter Patty, Midol hemi President blong Sanma Provincial Government, Langi Touvé, mo wan construction wokman i putum fes nail long kapa blong makem komplesen blong ripea wok blong Luganville Municipal Council long wik ia.

Ova VT30 million blong Luganville Municipal bilding

10/06/2021 7:51 am

Bigfala storian Nasonal

By Steve Ayong

Renovation blong Luganville Municipal Council bilding i kost VT 37million.

Bilding ia Category 5 Saeklon Harold i bin brekem daon long April 2020.

Mayor blong Luganville, Peter Patty, i talem tankiu bigwan long Kavman tru long Dipatmen blong Locol Authority blong save aloketem mani ia blong help ribildim bak.

Mr Patty i talem se bilding ia oli wantem givim wan niufala luk long hem.

Mayor Patty wetem President blong Sanma Provincial Government, Langi Touvé, i putum screw long few iron roofing sheet blong Luganville Municipal Council building long wik ia blong makem komplesen blong ripea ia.

Presiden blong Sanma Provincial Government, Langi Touvé, i talem se haos ia hemi mein ples blong tokbaot ol developmen blong Luganville town.

Hemi talem se hemi wan honor blong putum nail long kapa.

“Bilding ia hemi blong sevesem ol pipol raon Vanuatu we oli liv long Luganville,” Mr Touvé i talem.

Bilding ia hemi fes townhall building we i hausem fes Municipal Council blong full kaontri long Colonial taem blong Bristish mo Franis Kavman.

Deputy Prime Minista mo Internal Affairs Minista, Honoroble Ismael Kalsakau, i handem bin handem ova wan amaon blong ova 30 million long Luganville Mayor, Mr Patty long June 2020 long Port Vila.

Minista Kalsakau i talem mani ia i kamaot long budget blong ministry blong Internal Affairs nomo mo hemi pat long komitmen blong kavman blong rispon long recovery blong ol key institution.

Long taem blong handing ova seremoni, Minista Kalsakau i talem se hemi glad we kavman i save rispon long kol we Mr Patty blong sapotem Luganville Municipal Council bilding.

Hemi askem tu blong Mr Patty i mekem sua se bilding ia oli riperem wetem mani ia mo i mas komplete.

Luganville Mayor, Mr Patty i talem asurem kavman se bilding ia bae i vinis.

Hemi talem se komitmen blong kavman i soem strong patnasip we hemi kat wetem kavman sins hemi tekem posisen blong Mayor.

Timeframe blong kompletem renovation blong Luganville Municipal Council bilding hemi long en blong 2020 mbe i no bin posibol.

(Visited 161 times, 1 visits today)

luganville town hall