Ova VT8 million kaon long United Nations

Vanuatu i kasem alarm finis from hemi no pem membasip fi blong hem long United Nations.

Kavman i talem se i nokat excuse blong Vanuatu i no pem previous aostanding dues blong hem from evri yia Palemen i pasem bajet blong membasip long intanasonal komuniti.

Minista blong Finance mo Economic Management, Johnny Koanapo, i talem se kavman i no save ronwe long komitmen ia from hemi impoten tumas.

“Long ol konsen we i stap kamaot naoia abaot aotstanding membasip fi long United Nations, mi wantem talem se long evri yia, Vanuatu Kavman i apropiatem VT30 million blong stap givim blong adresem isu, ” Minista Koanapo i talem.

“Mo mi no andastandem from wanem Ministry blong Foregin Affairs i nosave fulfilim ol peimen ia. Hemia i no United Nations nomo mbe ol nara membasip fi blong ol nara organisation tu olsem Melanesian Spearhead grup from i kat sepereit budget i ko long hem. Mo long kes blong

Opposition Lida, Honoroble Ralph Regenvanu i kol long kavman blong prioretaesem ol spending blong hem long ol eria we i impoten mo nid blong adresem kwiktaem.

Mr Regenvanu i mekem semak kol long taem blong COVID-19 Pandemic.

“Hemi no festaem, yumi bin stap situasen bifo we yumi no bin no wapem ol fi mo yumi bin wok aot blong pem, ” Mr Regenvanu i talem.

“Hemi mas be cash flow problem nomo from COVID, naoia hemi taem blong kavman i mas pem nao, sapos yumi nosave pem pa yumi nomo luk ol mani we i kam in blong help long ol komuniti projek.”

Dipatmen blong Foreign Affairs i konfemem kaon blong Vanuatu ia mo bae oli mekem samples VT19 taosen peimen olsem difrens blong aostanding we i stap.

Hemi se Vanuatu i gat 74000 US dolla blong pem we hemi ova long 8 million vatu mo faenans bae i pem long wik ia nomo.

Minista Koanapo i talem se long taem naoia, Vanuatu i save wok wetem ol organisation ia long hao oli save pem ol fi ia.

I no United Nations nomo i gat nara intanasonal mo rejinol okanaesesens tu we Vanuatu bae i mas pem membasip long olgeta.

Long saed United Nations hemi no save saspendem wan memba blong hem, hemi general assembli nomo we i hapen evri yia bambae i disaedem.

Amaon blong fi ia, hemi aotsanding vatu blong las yia 2021.

(Visited 59 times, 1 visits today)

About The Author

You might be interested in