Oxfam i push from cash aid

Oxfam i push strong naoia blong i kat cash aid long Vanuatu.

Non-Government Organisation ia i toktok blong i kat swits i ko blong givim kash mani eid long hand blong ol pipol blong Vanuatu bitim blong givim ol eid long nara fom.

Oxfam Country Director, Anita Samana, i talem se okanaseson blong olgeta i faenem aot se kash-eid i ko darekt long hand blong ol viktim hemi moa gud long mani we oli spendem i ko long ol kost blong lojistik mo opereson taem oli adresem wan disasta.

Oxfam i talem se sins 2020, ova long VT265 million oli seraotem kash-mani ia i ko long ol pipol blong Penama, Torba, Sanma, Shefa mo Tafea.

Long manis March 2020, Oxfam i provaedem cash transfea i ko long ol pipol blong Ambae, ol viktim blong Manaro volcano disasta mo ashfol long aelan blong Tanna, oli mekem kas transfea tu i ko long ol viktim blong flading long aelan blong Efate.

Oxfam i wandem se Kavman blong Vanuatu i yusum wan sistem blong cash-transfea long taem blong wan disasta long kaontri.

(Visited 100 times, 1 visits today)

About The Author

You might be interested in