Papua New Guinea i lukim COVID komuniti transmisen

Papua New Guinea hem i stap lukim wan inkris long ol niu kes blong COVID-19.

EMTV long Papua New Guinea i ripotem se kaontri ia i rikodem wan hae namba blong ol positif kes blong COVID-19 long wan dei we i mekem wan totol blong 62 kes blong COVID long kaontri ia.

Everi kes ia hem i ol man Papua New Guinea nomo wetem wan expatriate we hem i wan pablik seven.

Ol ofisiel oli stap urgem pablik blong tekem ol helt mesa i serious.

COVID-19 Deputi State blong Emergency Controller, Dr Paison Dakulala, i talem se 49 long ol kes ia oli bin konfemem long las ten dei.

“Mifala i stap lukim wan komuniti transmisen mo from hem ia mi stap urgem everiwan blong tekem ol helt mesej i serious,” Dr Dakulala i talem.

Hem i stap urgem ol pipol long Papua New Guinea blong tekem responsibiliti blong helt blong olgeta mo ol famili blong olgeta blong stap werem ol fes mask, wasem han oltaem mo askem blong ol pipol we oli nogat samting blong mekem blong mas stap bak hom.

Kaontri ia hem i ristriktim ol pablik gathering i ko long 100 pipol nomo i save kam tugeta.

Sosol distensing hem i aplae, oli ristriktim muvmen blong ol pipol mo oli promotem han washing plante.

I gat wan totol blong 9885 pipol oli bin testem olgeta from COVID-19 sins Januari.

I gat 535 tests risal we oli pending yet i stap – 300 long wan laboratory long Brisbane mo ol narafala tests i stap yet long Singapore.

Deputi Controller ia i talem se ol otoriti oli stap priperem isolation fasiliti blong Port Moresby blong kasem ful kapasiti blong hem.

(Visited 104 times, 1 visits today)

About The Author

You might be interested in