Ol pipol i save ko tekem COVID-19 stik long Convention Senta stat tete.
Shefa Pablik Health, Obed Manwo, i talem toktok ia long wik ia taem hemi toktok wetem Radio Vanuatu.
Mr Manwo i talem se bae i kat wan fix tim long Not Efate we bae i beis long Paunangisu health senta mo wan mobile tim bae i ko aot long ol offshoa aelan blong givim stik olsem long 2021.
“Plante pipol i stap muv i kam long vaccination site long George Pompidu ia i mekem se yumi nid blong aloketem spes, i mekem se yumi mas muv i kobak long Convention Senta,” Mr Manwo i talem.
“Mifala i nid tu blong inkrisim namba blong ol staff tu long vaccination site, hemia nao olsem sam health wokman we oli bin kam long ol provins blong help. Hemia blong tri o fo staff oli save vaccinate bae hemi rili gud.”
Mr Manwo i talem se tim bae i muv kwiktaem tu i ko long Epi mo Sherpherds grup.
“Bae mifala i konfemem bakegen long wik ia blong sendem tu tim i ko help long Epi mo Sherpherds blong help aot long Johnson mo Johnson vaccine,” Mr Manwo i talem.
Mr Manwo i talem se diskasen i stap hapen blong help faenem olgeta olfala we oli nidim vaccine.
“Yumi stap toktok wetem tim long Humanitarian organisation ia olsem Redcross blong wok blong save faenem ol spesel nid ia blong tim i ko from olgeta, ” Mr Manwo i talem.
“Nara obsen hemi blong transpotem olgeta long vaccination site.”
Wan sos i talem se Saupia Health Senta long Paunangisu, i statem ol trening blong rapis tes blong COVID mbe system i no stap inples yet.
Hemi talem se wan jalenj blong rolemaot vaccine long Efate hemi fanding mo i nid blong ministri i wok blong impruvum from vaccine rolaot ia ol aid agensi Dfat i sta fandem. Mo i gud blong kat wan strong relationsip wetem olgeta.
Shefa Public Health Manager, Obed Manwo, i talem se tim bae i muv i ko long Epi mo Sherpherds i no longtaem.
Mbe hemi askem pipol long sherpherds blong kontinu long gudfala health pratis we oli stap mekem vinis blong washem hand oltaem wetem sop mo wota.
Hemi talem se risk hemi low so pipol i no sud stopem enei esential seves blong hospital long Emae from pipol i nid blong kat akses long hem.
Long tete moning plante pipol i fulap long eria blong Convention Senta blong tekem stik meresin.