Plante mama i graduate long agrikalja

Vanuatu Agriculture College i rikodem blong festaem long yia ia, wan hae namba blong ol studen we oli kam long Sanma Provins.

Jif Executiv Ofisa blong Vanuatu Agriculture College, Peter Napuat, i konfemem long graduation dei blong college ia long Fraedei.

Mr Napuat i talem se hem i wan gudfala samting from college i stap long aelan blong Santo.

I gat wan totol blong 242 studen we oli graduate long Fraedei wetem ol setifiket wan mo tu long fil blong agrikalja, livestock, forestry mo aquakalja.

Mr Napuat i asurum ol pipol long graduation dei ia se ol graduants ia oli gat bigfala kapasiti blong save wok long ol difren fil we oli graduate long hem mo bae oli nosave disapointem eni emploia.

Hem i talem se bae institution ia i kontinu blong tekem olgeta i kambak blong shepem olgeta from patwei blong promotem ol graduets ia blong save kam ol impoten pipol long ekonomi blong kaontri long fiuja, hem i very bright mo rod blong olgeta i klia.

“Bambae yumi mekem apropriate jenjes blong meksua se yumi no leko eniwan bihaen,” Mr Napuat i talem.

Hem i talem se Vanuatu Agriculture College hem i cater tu blong olgeta mama, ol papa mo ol pipol we oli liv wetem spesel nid.

Mr Napuat i talem se insaed long grup blong ol graduants ia i gat plante mama we oli leko ol pikinini i stap long aelan blong kam skul.

“Mi wantem apil long yumi we yumi stap ko salem kakae long maket. Olgeta we oli gat waet hea vinis, sapos yu tink se hem i taem yu kam shapenem save blong yu lelbet, yu kam.

“College ia hem i no blong ol pipol we oli kolem olgeta se oli ol pusaot. Hem i blong olgeta pipol we oli tink se oli gat fiuja long agrikalja, laevstok o agribisnis. Sapos yu bin pas tru long yia 10, 12 o 13 long sam yia i pas vinis, hem i no stopem yu, sapos yu wan pupu, i gat rum blong yu long ples ia.”

Mr Napuat i talem se olgeta setifiket we ol studen i risivim long Agriculture College, Kavman blong Vanuatu i recognisem mo region tu i luksave.

 

 

(Visited 402 times, 1 visits today)

About The Author

You might be interested in