PNG futbol tim i feswan blong kasem Vanuatu

Papua New Guinea i feswan blong kasem Vanuatu from Melanesian Secretariat Group(MSG) Cup long wiken ia.

PNG nasonal soka tim ia i kasem long Port Vila International Airport long eli wik wetem 31 pleia mo ofisol evriwan.

PNG Football i sendem wan yang mo divelopmen tim blong kompit long wan wik tunamen ia mo fes maj hemi akensem Vanuatu divelopmen tim long wiken ia.

Harrisson Kamake, Assisten Coj blong tim PNG, i talem se oli luk fowod blong pat long futbol tunamen ia.

“Yes mifala i pripea from MSG Prime Minista cup,” Coj Kamake i talemaot.

Kapten blong PNG Kumuls, Raymond Gunemba i talem se oli redi blong plei akensem nara fren Melanesian kaontri.

Hemi se opening maj akensem Vanuatu futbol tim bae i interesting blong wajem.

“Mifala wetem ol boy blong mi mbae mifala i kam strong long tonamen ia mo olsem mi talem what ever the risal mbae mifala olwes presem God from. Mi talem tankiu long Vanuatu long warm welkam i kam long mifala PNG tim,” Mr Gunemba i talemaot.

Solomon Islands, Fiji mo New Caledonia oli mas kasem Port Vila long gud taem long wik ia bifo kik of taem blong MSG PM’s Cup long Satete wiken ia.

“Mi save se independens dei blong mifala long PNG i stap bifo kem blong mifala long nekis dei blong hem mo mi askem evri PNG citisen long Vanuatu blong kam long nabas mo sapotem tim long fes ever MSG Prime ministas kap long wiken ia akensem Vanuatu tim,” Mr Kamake i talemaot.

PNG Kumuls bae i ple openig maj blong hem akensem Vanuatu long Satete 3pm.

Presens blong jeaman blong MSG Prime Ministers Cup, Paul Nalau mo Daerekta blong yut mo sport, Henry Tavoa i mekem ol kabul boys i fill se oli stap long ples.

 

 

 

 

(Visited 142 times, 1 visits today)

About The Author

You might be interested in