Polis i no mas pat long violence

Ol Polis Ofisa i mas soem oda mo discipline oltaem.

Minista blong Internal Affairs, Alatoi Isamel Kalsakau i talem toktok ia tete long graduation blong 50 niu Polis recruit long Independence Park long Port Vila.

Hemi talem se “Brutality hemi wan samting we tete yufala i arem, be bambae hemi no wan ples we yufala i patek long hem.”

“Mo tu neva spoilem ol smile blong ol parents blong yu tete, taem yu maj aot blong ko servem nation blong Vanuatu,” hemi talem.

Acting Commissioner blong Polis, Colonel Robson Iavro i presentem olketa niu polis recruit blong oli ko long ol provins we oli post blong ko long hem, mo vinisim tu yia probation blong olketa.

VBTC i kasem toksave se insaed long 50 niu polis ofisa ia, i kat ten woman mo 40 man we i vinis long six manis trening.

Mo tu grup blong recruit long yia ya, hemi wan special wan from olgeta 50 everiwan i bin go insaet long training long dei wan mo olgeta 50 i pas aot tete kompea long ol pas yia.

Bifo long olgeta toktok long tete, olgeta recruit ya i displayem wan spesel sho we oli fomem VPF 2020 long foret blong ol official mo ol family.

(Visited 86 times, 1 visits today)

You might be interested in