Polis India Alpha Operesen i wan sakses

Vanuatu Police Force i bin faenemaot se plante long ol yangfala we oli stap ko long scul yet oli bin involve long plante rapis fasin we i bin hapen ova long 40 yia Independence Anniversary selebresen blong kaontri.

Superintendent Samson Millar, we i lukaotem India Alpha operation, i talem se sam long ol jalens we ol polis oli fesem hemi fulap yangfala we oli ol student oli stap dronk.

“Ol yangfala we fulap long olgeta oli stap long scul yet, oli stap drink,” hem i talem.

“Yumi no save se ol perens blong olgeta oli rialisem o no and olgeta nao we oli stap long ol rod mo oli stap stonem ol trak, oli stilim ol mobile phone, oli nogat rispek long narafala man even taem ol crowd i stap tugeta, oli save stap mekem ol aksen olsem.”

Mr Millar i haelaetem hem ia olsem wan jalens blong olgeta mbe hem i talem se India Alpha Operation blong ol polis, hem i bin wan saksesful wan.

Hem i talem se polis fos tru aot long kaontri i bin taetem up securiti blong everi wan i save kat wan sef mo secure selebresen taem oli stap comemoratem 40 yia Independence Annivesary blong kaontri.

Superintendent Millar i talem se Polis India Alpha Operation blong 40 yia Anniversary, we hemi bin lonj long namba 22 Julae, i mekem plante difren selebresen sites tru aot long kaontri oli selebret wetem pis.

Hem i talem se tru aot long selebresen ia i no kat ol bigfala craem we i bin hapen.

“Sins we yumi statem operesen long 23 Julae taem ol aktifiti oli open, everi samting hem i gud long taem ia kasem long 30 Julae,” Mr Millar i talem.

Mr Millar hemi aprisiatem coperesen blong public wetem polis blong i save kat wan pis ful selebresen tru aot long kaontri.

India Alpha Operation ia hem i vinis long namba 2 August.

(Visited 17 times, 1 visits today)

About The Author

You might be interested in