Politikol Integrity bill i wan prioriti-Niu kavman

Niu Koalisen kavman bambae i adresem instabiliti we ol Memba blong Palemen i kosem evri taem.

Ol politikol pati we oli kleimem majoriti namba long camp oli talem se Political Integrity bill i wan long ol prioriti wok blong oli lukluk long hem.

Foma Praem Minista blong Vanuatu mo Presiden blong Peoples Progressive Party, Sato Kilman we i mekem narafala kambak long politik i talem se bae oli wok long hem.

“Instability ia hemi stap kolosap wetem evri politikol pati mo evri kavman we i form, nao ol kavman wetm ol politikol gruping oli stap tokbaot blong sam taem nao impotens blong mekem amendmen{jenis) long constitution blong adresem isu ia,” Mr Kilman i talem.

“Mi stap ia ating tu taem long bifo vinis blong mekem i ko go tru mbe i nogat. Hemi taem mifala i wok blong mekem i ko tru blong mekem i nomo kat instabiliti long kaontri.”

Graon mo Jastis Pati we i bin advocate bigwan long politikol bill ia i talem se i nomo gat rod blong adresem muvmuv blong ol elek memba blong palemen mo hemi mas ko in.

“Blong talem nomo se politikol reform hemi wan prioriti blong kavman ia, mo mifala evri memba ia i stap ia i agri se hemi wan samting we yumi sud lukluk long hem,” Presiden blong Graon mo Jastis Pati, Ralph Regenvanu i talemaot.

Presiden blong Union blong Moderate Party, Ishmael Kalsakau i talem se i naf long raorao mo hemi taem blong wok mo servem pipol fulwan.

Hemi talem se instabiliti hemi no helti.

“Mifala i privilege blong pat long wok blong ol lida tete; I naf i naf yumi fokas pipol mo ol service, hemia nao bambae hemi paramont wok blong tim ia, ” Mr Kalsakau i talemaot.

“Mo most impotently olsem presiden blong lida’s pati i talem persen ia we yumi harem hem o neva luk mbe hemi stap krae long Vanuatu ating jalenj blong mifala nao hemi blong mas kasem hem.”

Integrity bill i nidim tuketa saed blong palemen blong sapotem blong i pass.

Nasonal konsaltesen long bill ia i tekem ples finis mo taem i redi blong ko long palemen ol koalisen kavman memba i no bin stanap wan blong mekem i pas.

Vanuatu i gohed blong fesem instabiliti long kavman blong hem from sins eli 1990’s i kam kasem tete i nomo gat majoriti kavman.

Long period ia koalisen kavman i ranem ol afeas blong kaontri mo i bin gat plante jenis long kavman.

(Visited 681 times, 1 visits today)

About The Author

You might be interested in