Port Vila blong welkam krus ship tumoro

Hemi wan Carnival krus ship we bai karem i kam ova tu tausen turis.

Handikraf maket long Feyawa Park hemi fulup finis wetem ol kalaful mo unique desaen blong ol prodak we bai go on sale tumor.

Nasenal krus turis menejmen komiti hemi putum tugeta wan spesal welkam seremoni tumoro we bai lukim tu ol smol bot blong Ifira bai oli folem ship taem i stap kam insaet blong haba wetem ol bana we i talem ‘welkam bak’.

Hemi sins 2020 we krus bot i nomo kam long Port Vila folem risk long spred blong COVID, plante bisnis oli wis blong ol krus ship i kam back bakeken blong oli save winim mane blong helpem laeflihud blong olgeta.

Arivol blong ship tumoro bai hemi stap olsem wan trial tu blong ol turisim folem niufala operesens we hemi putum in ples long main wof.

I kat wan niufala standed operesen prosija i stap long mein wof.

Ol mama we oli seil insaed long eria blong wof terminal mo ol bus draeva bambae oli nomo pikap insaed long ples we oli bin stap long hem bifo.

Long saed blong Vanuatu Police Force bambae hemi taetem operesen blong transpot long aotsaed long wof.

Hemi wan eria we i no bin gat impruvmen long hem long pass.

Jif inspekta, Kalontas Titus we i komandem trafok, i kol long evri draeva we ol bin go tru long trening blong mas komplae oltaem long ol rikwaemen we polis i putum.

Ol draeva oli mas dresap gud wetem ol kola shirt mo ol bus i mas stap long gud kondisen mo air condition i mas wok.

Aktin direkta blong depatmen blong turism, William Naviti, i talem se ol lenin we oli karem long tumoro folem niu operesens long main wof bai oli putum inples redi blogn nekix ship ia kam.

Long manis ia bai i kat fo ship i visitim Port Vila, Mystery aelan mo Luganiville.

(Visited 15 times, 1 visits today)

About The Author

You might be interested in