Prime Ministers Cup blong host long Vanuatu-Septemba

Vanuatu bae i hostem blong fastaem Melanesian Prime Ministers Cup long Port Vila long Septemba.

Bid we Vanuatu i putum blong ranem fes Prime Ministers Cup ia hemi karem sapot blong evri Melanesian kaontri long Pacific.

Prime Minista Bob Loughman nao i ofisioli lonjem kaon daon blong hae futbol tonamen ia long wiken long Melanesian Secretariat Grup ofis long Port Vila.

Hemia afta we Vanuatu hemi kasem grin laet blong ranem kompetisen afta long wan sakses 8th Melanesian Secretariat Grup Sports Committee mo seken Sports Ministers miting long June hemia long Fiji.

Kompetisen ia fulap oli save long hem festaem olsem Melanesian Cup mo naoia name i jens i ko long niufala nem we hemi Prime Ministers Cup.

“Yumi okanasem fes eva Prime Ministers cup, mo tete mi kat ona ia olsem Prime minista blong ofisioli dilkarem countdown blong fes eva Prime Ministers cup,” Prime Minista Loughman i mekem anaonsmen.

Minista blong Sport, Willie Pakoa Satearoto i askem pipol blong kopereit.

“Mi askem blong yumi evriwan i kopereit tugeta mo pripea from fes eva tonamen ia we yumi nao umi hostem,” Minista Satearoto i talem.

Vanuatu Football Federation Secretary General, Albert Manaroto, i talem se wok blong Freshwota stadium wok bae i en long August be i dipen sapos hemi redi blong hostem ol futbol mats.

Vanuatu, Niu Caledonia, Fiji, Solomon Islands mo Papua New Guinea bae i pat long futbol tunamen ia.

Ofisiol tunamen bae i tekem ples long Septemba 19 kasem 27 2022.

 

(Visited 253 times, 1 visits today)

About The Author

You might be interested in