Prisina i ronwe bakegen

Prisina long High Risk Ex British Correctional Senta long Port Vila, Simeon Willie Jacob i ronwe bakegen long eli moning tete.

Wan Reliable Sos i talem se hemi ronwe long 4:30am. Mo hemi ronwe folem wan faea we i bin stat insaed long cell from electrikol circuit.

Director blong Correctional Services, Johnny Marango i talem se wan investigation bae i hapen long hao faea i stat long wan kontena cell we oli yusum olsem wan storeij fasiliti.

Mr Marango i talem se ol Vanuatu Mobile Force Ofisa oli bin rispon blong putum aot faea.

“Escape hemi hapen lo taem ia we faea i strong; Wind mo rain blong saeklon Irene tu i strong long eli moning yia . Ol correctional ofisa wetem help blong ol Vanuatu Mobile Force oli stap help blong muvum olgeta then Willie Simeon i ronwe. Long taem mifala i stap transferem ol prisina i ko long Medium risk ia nao,” Mr Marango i talemaot.

“Evriwan i sef mo Mr Simeon i bin tekem janis blong hem mo ronwe.

“Mi stap apil long ol famili mo pablik blong help mo provaedem stret infomesen blong yumi karem bak Mr Simeon.”

Reliable sos i talem se 3 cell mo storej rum i damej.

 

(Visited 1776 times, 1 visits today)

About The Author

You might be interested in