Private Sector i stil askem sapot blong Kavman

Vanuatu Chamber blong Commerce mo Industry i riwesktem bakeken seken Stimulas Package long Kavman folem pospon blong Tamtam bubble wetem New Caledonia long April.

Chairman blong Vanuatu Chamber blong Commerce mo Industry, Antoine Boudier, i talem se oli rispektem disisen blong kavman blong holem taet plan ia mbe oli bisnis haos i bin luk fowod long Tamtam bubble ia.

Long wik ia, kavman i putum on hold, plan blong tamtam travel bubble from komuniti transmission blong COVID-19 long New Caledonia mo tu konfem kes.

Mr Boudier i talem se fulap bisnis haos long kaontri, ol mani we oli stap mekem hemi go daon long 30 per cent.

“Rikwest ia, yumi bin adresem i ko long Minister blong Finance mo Economic Management, Honoroble Johnny Koanapo,” hemi talem.

“Yumi bin putum sam tinktink blong helpem kavman mo yumi wet long ansa blong olgeta.

“Yumi mas andastanem se sam bisnis haos, oli safa bigwan mo yumi mas wk tuketa blong adresem economic status blong yumi.”

Chairman blong Tamtam travel bubble taskforce, Dr Gregoire Niptik, i talem se kavman i postponem nomo awarenes long ol komuniti blong Efate mbe i no stopem task fos blong wok from any nara opportunities wetem ol narafala kauntri long Pacific.

“Yumi plan blong statem tamtam bubble long manis April,” hemi talem.

“Mo yumi stap lukluk situasen blong COVID-19 long New Caledonia sapos i stop bae yumi save alaoem tamtam bubble ia.

“Kavman i stap negociatem bakeken wan narafala deit taem situation blong komuniti transmisen blong COVID-19 i ko daon.

“Mbe hemia i no stopem yumi blong lukluk long ol nara kaontri olsem Fiji, New Zealand o Australia sapos oli redi blong pat long tamtam bubble.”

Long wan statemen blong kavman, kavman i talemaot se bae hemi sapotem ol bisnis aos long yia ia 2021.

Ripot i talem se Council blong ol Minister nao bae i putum sam sapot mesa taem oli finalisem ol tinktink ia.

Long statemen ia, i talem se ol sapot mesa ia i inkludum saspensen blong ol skul fi, ol bisnis laesens, wok permit mo rod tax.

Kavman i plan tu blong introdusum wan subsidi we bae i sapotem ol bisnis haos blong mitim ol kost blong transpot blong expot.

Mr Boudier long Vanuatu Chamber blong Commerce mo Industry i talem se ol bisnis aos oli talem bigfala tankiu long ol sapot blong kavman.

“Mi askem ol bisnis aos blong mas wok tugeta oltaem wetem kavman blong faenem ol solution we i save helpem ol bisnis blong olgeta long taem naoia we Wol i stap long pandemic blong COVID 19,” hemi talem.

 

 

 

 

 

 

 

 

 

 

 

 

(Visited 211 times, 1 visits today)

About The Author

You might be interested in