Kontract proses i dileiem Efate rod kliarens

Dipatmen blong Public Works i talem se proses blong komuniti kontract i dileiem rod kliarens long Efate.
 
Communication Ofisa blong Ministry blong Infrastructure mo Public Utilities, Antoine Malsungai, i talem long VBTC Nius se long wik ia, dipatmen blong public works bae i saenem ol kontrak wetem ol komuniti blong Efate blong ol lokol i stat kliarem ol saed rod raon long aelan blong Efate.
Hemi talem bae wok ia i stat long nekis wik.
 
Mr Malsungai i talem se kontrak we ol komuniti bae i tekem hemi no ol semak amaon mo hemi no ova long VT 500,000.
 
“Ol komuniti raon long Efate i sud karem kontract ia tu manis i pas vinis mbe from proses blong ol komuniti kontract nao i dileiem,” Mr Malsungai i talem.
 
“Proses yumi mas folem sapos yumi no folem bae loa i kakae yumi.
 
“Long nekis wik, ol komuniti i sud statem wok long wan wan eria blong olgeta.”
 
Wan lokol i talem se hemi sad blong luk grass i grow ovarem ol rod sign long ol saed rod long Efate.
 
Hemi talem se hemi no sef long ol rod yusa from oli nosave luk trak taem i stap kam.
 
“I no ol pipol nomo mbe ol draeva we oli stap yusum rod ia evri dei,” hemi talem.
 
Mr Malsungai i talem se ol komuniti mo jif i mas lukaotem gud Efate Ringrod.
 
“Kavman i helpem komuniti blong kivim mani long olgeta mbe ol komuniti long Efate i mas tintktink strong blong kliarem rod blong olgeta from rod hemi blong komuniti,” Mr Malsungai i talem.
“Wanem bae i hapen sapos i kat wan aksiden, bae ol pipol i blamem kavman?
 
“Ol komuniti tu i mas helpem kavman from long en blong dei rod ia i sevem interes blong evri pipol.”
(Visited 194 times, 1 visits today)

About The Author

You might be interested in