PSC rikruitmen i kwesten

Kwesten i bin reis long rikruitmen blong ol kavman wokman long Public Service Dei Forum long Port Vila.

Wan wokman blong kavman i talem se hemi lusum trust long hao oli stap jusum ol wokman blong holem ol bigfala posisen.

“Naoia i kat list blong olgeta direkta we i kat adevertisemen blong olgeta i stap ko; ol top posisen ia afta i kat ol manager, i kat ol bigfala posisen, ba mi talem se mi nomo trastem from tri man long wan panel i save act long behaf blong pipol blong Vanuatu blong wan man i stap long posisen ia blong ranem dipatmen ia long Hiu i ko kasem Aneityum,” Wokman ia i talem.

“Samtaem famili o jej bisnis i save kam insaed, be Vanuatu hemi no blong wan jej, pati o aelan nomo.”

Darval Simon, Acting Director long Leadership Code Investigation long Ombudsman Ofis i talem se evri rikruitmen i mas beis long pepa blong skul.

“Yu givim janis lem mo letem hem i save se bae yu apointem hem long posisen ia. Yu save se hem i save mekem wok ia mo hem tu i agri se hemi save mekem wok. Yu lukluk long kwalifikesen blong hem se hemi stret man blong save mekem wok ia mo yu lukluk long yia blong experience from hemi bin mekem wan wok. Bae yumi nosave talem se Public Service hemi foeva independent

Leong Rantes long Public Service Commission i talem se bae oli wok blong impruvum.

“Anda long Public Service act mo staff manual i talem i klia se evri rikruimen we i kam insaed i mas beis long merit; Be mifala evri taem taem yu setem aot panel, yumi mekem sua se panel ia i nogat isu wetem, “Mr Rantes i talem.

“Long past, i kat sam isu wetem panel,  be mifala i mekem sua se yumi traem impruvum hemia. Ol panel we yumi putum hemi yu selektem ol man we oli save wok ia mo mekem sua se man we i kam long panel bae i nogat konflict.”

Mr Rantes i invaetem ol pipol blong givim tinktink long Public Service Act we i stap long review.

 

 

 

 

 

 

(Visited 401 times, 1 visits today)

About The Author

You might be interested in