Raet infomesen blong vot-Electoral Ofis

Electoral Ofis i askem pipol blong tekem risponsibiliti olsem ol citizen blong kat ol raet infomesen blong vot.

Ol infomesen olsem national mo electoral card pipol i save jekem wetem ol eria administrata.

Electoral Ofis i talem se dei blong snap eleksen long October 13 i stap kam kolosap mo pipol i mas jekem gud ol infomesen ia blong oli no fesem had taem.

“Jekem ol infomeson olsem sapos nem blong olgeta i stap long elektrol rol or list blong vot, sapos nem blong vilij hemi stret, jekem wea nao hemi poling steson blong vot long hem, deit we yu bon long hem, nem blong famili we i stap long elektrol rol be hemi ded finis, nem blong famili we i maret finis i ko long nara vilij mo jekem sapos memba blong famili i muv aot finis mo ko liv long nara ples ova long tri manis i pas,” Electoral Ofis i talemaot.

Risen blong jekem ol infomeson ia, hemi blong mekem sua se infomeson hemi stret bifo taem blong elekson.

Electoral Ofis i wandem klinim rol we i stap naoia.

Snap election i hapen folem Palemen disolusen long August 18 2022.

 

 

(Visited 103 times, 1 visits today)

About The Author

You might be interested in