Repatriation flaet blong Australia long Monday

Schedule blong repatriatem ol Vanuatu citizen long Australia hemi muv i go long nekis Monday.

Flaet ia hem i sud araev long en blong wik ia mbe Daerekta blong Foreign Affairs, Yvon Basil, hemi talem se jenis ia hemi folem nomo arenjmen wetem ol airline.

Hemi talem se folem ol negotiation we i stap kohed, Air Nauru hemi kam in naoia blong help long repatriation ia.

Mo bae hemi mekem tu flaet, long Monday mo Tuesday nekis wik.

Mr Basil i talem se, “Flaet long Monday bai hemi repatriatem olgeta long Brisbane mo nara flaet long Tuesday bai hemi kam long Sydney, even though yumi ekspektem araon 100 people blong kam, be wetem tu flaet ia namba hemi save ko antap.”

“Mifala i enkarejem nomo olgeta we oli stranded long Australia mo oli kat nid blong kam bak,” hem i talem.

Vanuatu High Commission long Canberra nao hemi stap collectem ol infomesen blong olgeta we oli wantem kam bak.

Daerekta Basil hemi talem se schedule ia bae hemi nosave jenis bakeken from phase wan blong ol repatriation bae hem i en long Tuesday nekis wik.

Afta long hem ia kavman bae hemi nomo save alawem eni repatriation flaet i kam long kaontri kasem long August.

Long saed blong repatriation long New Caledonia, Daerekta Basil hemi talem se hem ia i sud hapen long en blong wik ia.

Kavman blong New Caledonia wetem ol provincial kavman blong hem nao oli stap help blong arrangem flight ia.

Mbe date blong repatriation blong New Caledonia ia hemi no klia yet.

(Visited 1729 times, 1 visits today)

About The Author

You might be interested in