Reserve bank i sapotem trade mo bisnis sekta

Reserve bank blong Vanuatu i givim VT 5 million blong helpem ol cooperative mo ol smol mo medium bisnis.

Director blong Cooperative, Ridley Joseph, i talem se wetem Memorandium blong Understanding we oli kat wetem Reserve bank, oli wandem faenem wan raet project o wan programme blong oli save make use long mani ia.

Hemi talem se VT5 million ia bae hemi ko blong sapotem ol cooperativ, ol smol mo Medium bisnis mo incubation app.

“Incubation app ia i blong trenem ol cooperative mo ol bisnis mo tu wok wetem olketa long ol plan we oli kat,” Director Joseph i talem.

“I kat fulap business owna oli tren gud mbe from se i no kat gudfala sapot mo hemia i mekem se i had lelebet.

“Mo wetem financial assistance we Reserve Bank i givim bambae i helpem cooperative blong ranem ol smol mo medium bisnis treining.”

Governor blong Reserve Bank, Simeon Athy i talem se,” Growth rate blong ol smol mo medium bisnis i wan key draeva blong economic long kaontri from i kriatem ol wok mo mekem mani.”

Handing ova blong jek mani ya i tekem ples long Reserve bank blong Vanuatu.

(Visited 40 times, 1 visits today)

You might be interested in