Rinuaha niu mini maket-Loh

Rinuha komuniti i lonjem wan mini maket haos long Loh aelan long Torres hemia long wik ia.

Eria Administrata blong Torres aelan we i stap long Loh aelan, Thomas Putunleta, i talem long VBTC Nius se pepes blong maket aktiviti ia hemi blo priperem komuniti blong salem kakae mo reisem vatu blong wan haos long komuniti i kontribut long wan wota projek.

Mr Putunleta i talem se Rinuha komuniti i wantem ajivim bifo long July wan niu wota system blong pipol i save kat akses long wota.

Hemi talem se i no wota nomo mbe ol nara smol projek long komuniti.

“Bifo long lonj blong maket ia komuniti i bin agri blong extendem wan marine protected eria we i kam moa bigwan blong help lukaotem gud ol marine risos,”Mr Putunleta i talem.

“Sale blong maket kakae ia bae i stat evri Monday mo bae i kat ol sale blong ol kakae we i tan mo olgeta we no tan.”