Road tax paymen i extend

Road Tax paymen blong ol trak i exten i ko long June.

Director blong Public Works Dipatmen, Malcom Tarileo, i talem aot long National TV tete.

Hemi talem se hemia i folem nomo oda blong Ministry blong Health blong ol esential seves nm i operate.

“Long March 31 2022 we hemi due deit hemi extend i ko kasem 30 June,” Mr Malcom Tarileo i talem.

“From we diklaresen blong Public Health Emergency oda namba 44 blong 2022 hemi alaoem nomo ol esential seves blong oli opereit mo no ol nara seves mo tu COVID-19 ristriksen i mekem se ofis blong Custom i klos yet.

“Long taem ia, ol owna blong ol trak i mas vinisim rigistresen mo laesens dokumen blong olgeta.

Mr Tarileo i talem se Director blong customs mo inland revenue bae i jes kamaot blong talem wea ples pipol i save pem ol rod tax long hem, long ofis o online.

Hemi talem se rodworthy jek blong trak bae i stat bakegen long nekis wik.

Mr Tarileo i talem se bae i kat strict COVID-19 rul long taem blong inspeksen.

“Long March 28, bae tim i jekem ol trak stat long 8: 30 kasem 4;30pm ,” Mr Tarileo i talem.

Mr Tarileo i talem se bae oli limitim namba blong 20 trak i jek fastaem.

 

(Visited 430 times, 1 visits today)

About The Author

You might be interested in