Ruerue i winim VT1 million long Pentecost

Ruerue Futbol klab i jampion blong Pentecost Yut festival long Pentecost taem i winim VT1 million.

Ruerue i ronwe wetem VT1 million afta we hemi winim tim blong Pentcost Futbol klab long wan score blong tri zero long Lini Memorial Stadium.

Tufala futbol klab ia i displeim wan strong mo maj long taem ia we olgeta sapota oli watjem gem wetem bigfala interes.

Wina blong nambatri ples i ko long futbol club blong komuniti blong Lol Tavola long Not Pentecost wetem tu gol blong zero akensem Ascensen Futbol klab.

VBTC Sports i toktok wetem Jim Linvanua, Competisen Maneja blong Pentecost Yut Futbol Festival we hemi talem se maj ia plante pipol i wajem.

“Finol futbol matj bitwin Ruerue Futbol klab wetem Pentecost futbol club emi wan strong matj, semtaem i kapjarem atensen blong plante pipol we oli presen long taem ia blong witnesem wina blong VT1 million futbol tunamen ia,” Mr Linvanua i talem.

Mr Linvanua i kontniu blong talem se afta long maj ia ol pleia oli kobak long vilij we oli camp long hem mo wan seremoni i tekem ples.

“Adoption seremoni long ol pleia blong Mele o Tupuji, hemi folem Penama Football Strategic plan we ol klab blo Penama i save strengthenem rilasip blong wetem ol clubs blong Port Vila Football Association mo ol nara klab long kaontri.

“Adopsen ia i minim se sapos ol pleia oli travel wan dei i ko long Pentecost, oli kat wan famili blong lukaotem olgeta.

VBTC Sports i traem blong karem toktok blong wan memba blong Ruerue Futbol Klab mbe i no posibol.

Futbol matj ia i en long January 22.

(Visited 73 times, 1 visits today)

About The Author

You might be interested in