Saeklon Irene blong aot-Vanuatu wota

Tropikol Saeklon Irene i sud leko eria blong Vanuatu Tete naet o Friday moning.

Duty Weta Forecaster long Meteo Ofis, Tom Natick i talemaot long VBTC Nius.

“Afta long 6o’klok bae hemi stap muv aot long yumi long Tafea; so long tete long naet o tumoro moning bae hemi stap aot long eria blong responsibiliti blong yumi,” Mr Natick i talemaot.

Long 11am lokol taem, Tropikol Saeklon category 2 i stap long 19.8 degri saot mo 169.8 degri east. Hemia hemi 65KM east saot east blong Tanna mo 45km not blong Aneityum. Saeklon ia i position long bottom raet kona blong square leta J, 10 blong Vanuatu Tropical Saeklon map. Central presa blong system i estimate long 984pa. Win blong kolosap long senta i estimate long 95km/hr(50kts). Long pas 3 haoa, saeklon ia i stap muv long wan east saoteast direksen long 39km/hr(21 kts).

Mr Natik i talem se bae i kat hevi ren yet long Vanuatu wetem marine strong woning long solwota.

Red Alert i stap long Tafea. Blue Alert i stap long Torba, Malampa, Sanma, Penama, Shefa.

Mr Natick i talem se wan system we i stap ko raon long social media bae hemi nogat tumas threat long Vanuatu.

“Ol model i stap soem long yumi se hemi stap west blong New Caledonia long taem naoia; Mbe olsem ofis blong Meteo bae i ko hed blong stap luk sapos i kat sam nara system bae mifala i apdeit,”Mr Natick

 

(Visited 276 times, 1 visits today)

About The Author

You might be interested in