Sanma jif i kasem seves blong Malvatumauri

Niufala senta blong Malvatumauri long Santo bae i helpem bigwan wok blong ol jif long Sanma.

Tabwemasana Council blong ol jif i aprisiatem bigwan niufala administrative senta blong Malvatumauri we i jes open long wik ia long Luganville.

Jeaman blong Tabwemasana Council blong ol Jif, Jif Shem Kalo, i talem se hemi glad tumas.

Jif Kalo i talem se Sanma hem i wan bigfala eria mo samtaem ol jif i try had tumas blong save kasem Malvatumauri Head Ofis long Vila blong karemaot sam wok blong Malvatumauri.

Hem i talem se mbe wetem niufala senta ia, bae ol jif long Sanma i save faenem i isi moa blong wok kolosap wetem Malvatumauri.

“Tete ofis ia i open bae i helpem tumas wok blong ol jif blong Santo mo Malo blong helpem olgeta long ol wok we Malvatumauri i mandatem olgeta blong mekem,” Jif Kalo i talem.

“Mi glad mo apreciatem wok ia mo mi hop pipol blong sanma i glad we oli stap kolosap long senta ia.”

Chief Executiv Ofisa blong Malvatumauri Council blong ol Chief, Jif Jean Pierre Tom, i talem se senta ia bae i seves ol pipol long not blong oli nomo spendem mani blong kam long Port Vila.

“Yumi setem ap ofis ia tu blong dil wetem kastom adopsen blong ol pikinini blong Vanuatu; Yumi isuem certificate long ples ia mo sendem i ko long civil registry long Port Vila,” Jif Tom i talem.

“Kastom mared mo narafala wok we yumi stap tinktink blong wok lem plante hemi to do wetem traditional knowledge mo expresen long kalja blong mekem sua se senta ia i wok wetem Malvatumauri blong pasem aot infomesen long ol pipol.”

Malvatumauri Council blong ol jif Northern Administration senta ia i open long August ia.