Santo copra fama i lusum hom

Wan 74 yia copra fama long Cape Quiros, North East Santo i lusum tu haos long faea folem isiu blong graon long wiken.

Polis Noten Koman i konfemem insiden ia se fama ia i lusum tu VT1.4 million kas mani long faea.

I kat alekesen se olgeta pipol we oli komitim ofens ia, oli bin mekem wan sale blong graon blong tufala olfala couple ia we estimate eria blong hem i kasem 1600 hekta i ko long wan Chinese man, mo bihaen treatenem tufala blong aot.

Wan nara haos blong apu blong tufala i damej from ol semak pipol ia oli terem daon.

VBTC Nius tim long Northern Town i kasem toksave long Vanuatu Police Northern Command ofis se oli bin atendem scene blong insiden long semak wiken blong witnesem damej mo toktok wetem ol witness mo kes i stap long han blong Polis.

Polis i askem pipol blong stap kwaet mo no tekem loa long han blong olgeta mo aloem police investikesen i gohed.

 

 

(Visited 1144 times, 1 visits today)

About The Author

You might be interested in