Saspensen blong Air Vanuatu domestik flaet-Malampa

Air Vanuatu hemi saspendem ol Domestic flaet long sam airpot long Malampa kasem September from i nogat enaf crew.

Kansel flaet long Malampa hemi Norsup, Ambrym long Ulei mo Craigcove, Pamma, mo inkludum Laman bay long Epi.

Sales mo reservation blong airline hemi konfemem infomesen ia.

Long semtaem oli talem se Air Vanuatu flaet i ko long Valestia long Epi mo Emae aelan hemi kansel.

Memba blong Palemen blong Paama, Joe Andy, hemi talem se hemi arem nogud.

“Hemi no wan gudfala nius blong mifala long Malampa from bae i afektem bigwan seves diliveri long tri aelan ia,” Mr Andy i talem.

“Ol seves long Paama, Craigcove mo Norsup i afek ia. Mo taem yumi stap long wan emergency bae Paama i left aot. From sapos wan man i sik bae i nogat plen blong tekem sik man.

Mr Andy i talem se hemi infomem ol pipol blong Pamma se Belair bai hemi sevesem olgeta evri Tuesday.

Bai hemi mit meet wetem ol Memba blong Palemen blong Malampa blong lukluk long situesen ia.

Long Tuesday wik ia, ol domestik flaet blong YJ-AV10 twine otter hemi bin kansel from pilot i nogat.

Pilot ia hemi Philip Wylie, we ol infomesen hemi bin flae ova 10 haoa long Monday eli wik ia mo long Civil Aviation regulesen, hemi mas tekem 12 haoa rest bifo hemi flae bageken. I nomo kat captain blong take ova long shift blong hem. VBTC Nius hemi kasem infomesen se wan nara twin otter pilot hemi bin resign tri wik i pas. Araon faev pilot oli finis long airline sins en blong 2021.

VBTC Nius hemi toktok wetem Acting Director blong Civil Aviation, Grace Naparao, be hemi talem se hemi no save kivim wan komen naoia from we oli stap dil wetem ol isu blong National Airline.

Chief Executive Ofisa blong Air Vanuatu i talem se Atu Finau hemi talem se hem tu bai no save kivim wan respond long situesen we i hapen.

I kat rumour se ol Pilot mo staff blong Air Vanuatu oli stap lukluk blong mekem wan industrial akensem managemen blong Airline.

Foma Chief Executive Ofisa blong Airline, Joseph Laloyer, hemi talem se i nid blong Kavman i mas lukluk serious long isu ia.

“I mas kat wan kaen blong commission blong faenem wanem i stap hapen wetem owna blong airline; Mi fraet se bae yumi en ap long wan bigfala problem.Yumi wari long sefti blong pasenja mo seves diliveri blong ol lokol mo turis.

“Mein tinktink blong airline hemi blong provaedem seves be mi sori blong luk se seves i stap ko daon

I kat konfemesen se ol flaet blong Twin Otter hemi drop i ko daon tri dei nomo long wan wik.

VBTC hemi bin mekem evri efot blong tekem wan komen be i nogat wan i save toktok.

(Visited 1733 times, 1 visits today)

About The Author

You might be interested in