Seasonal wokman agent fi i inkris

Kavman i inkrisim 2022 Seasonal Wokman agent license long VT50,000.

Commissioner blong Labour, Muriel Metsan Meltenoven, i talem se hemia i folem wan regulation oda we Minista blong Labour, Honoroble Ismael Kalsakau, i bin saenem blong VT20,000 fi i inkris i ko long VT50,000.

Mrs Meltenoven i talem se hemia blong mekem sua se ol recruit agent oli mas rikruitum ol seasonal wokman long wok redi pul we Kavman i kriatem finis i stap.

Hemi talem se wan long ol rikwamen blong lisens ia hemi blong ol agent i wok kolosap wetem ol Eria Administrata, blong i mas kat fea shea long hao oli jusum ol wokman blong ko wok ovasi.

Mrs Meltenoven i talem se hemia blong alaoem mani flo long Vanuatu.

Labour Ofis i konfemem se Vanuatu bai i sendem plante moa pipol i ko long seasonal wok long Australia mo New Zealand long nekis yia.

“Bambae yumi kat inkris long maket blong tufala kaontri anda long Pacific Labour Scheme mo Seasonal Workers Program,”Mrs Meltenoven i talem.

Mrs Meltenoven i talem se ol flaet ia bai i stat long namba 11 January 2022.

Hemi talem se long Recognised Seasonal Employer scheme long New Zealand i kat 20 flaet long fes kwota blong 2022.

 

 

.

 

 

(Visited 2208 times, 1 visits today)

About The Author

You might be interested in