Seventeen Vanuatu fisherman i stranded

Seventeen Vanuatu Fisherman oli stranded o oli stak i stap long kaontri blong Japan from we oli no karem COVID vaccine.

Director blong Foreign affairs Dipatmen, Yvon Basil i talem se ol fisherman ia i sud travel i ko long New Zealand blong bodem repatriation flaet blong tumoro i kambak long Vanuatu.

Mbe hemi talem se niufala rul blong COVID long New Zealand i mekem se oli nosave travel i ko long kaontri ia from oli no tekem stik meresin blong COVID.

Mr Basil i talem se oli stap toktok wetem Chinese Embassy mo olgeta long Japan blong helpem olgeta.

Kavman blong New Zealand i talem se ol man we oli travel i go long New Zealand oli mas providem wan pruf blong ful vaccination blong stik blong COVID mo even olgeta we oli transit nomo.

Ministry blong Health i talem se las repatriation flaet blong yia ia 2021 hemi stap long tumoro, December 4.

Mo repatriation bae i stat bagegen long manis January 2022.

VBTC Nius i kasem toksave se Kavman i stopem repatriation ia long shot taem blong alaoem ol frantline wokman blong selebretem festive season wetem ol famili.

Repatriation long namba December 4 ia hemi blong ol studen blong Samoa mo Fiji we oli kompletem stadi blong olgeta.

 

 

 

(Visited 186 times, 1 visits today)

About The Author

You might be interested in