Six Sanma eria administrator i kasem apointmen

Six Sanma eria administrator i apoint blong mekem wok olsem wan customs ofisa long wik ia.

Ol six eria administrator ia oli kam long ol coastal eria raon long Sanma Provins.

Director blong Customs and Inland Revenue, Harold Tarosa, i tokbaot pepes blong apointmen ia.

“Pepes blong hem hemi from COVID pandemic we yumi stap long hem naoia; Evri wan bae oli luk se ol tasfos blong yumi tru long advisory committee mo National Disaster Committee we i beis plante nao long vila hemi mekem plante wok blong kontenem virus blong COVID 19 i no kasem yumi,” Mr Harold i talem.

“Unfotunetli bae yumi luk plante vessel we oli kam in long ol aelan blong yumi we oli no folem loa o yumi no apruvum blong oli kam.”

Ol eria administrator ia i gat John Nicky Nampas long East Santo Area Council, Vula Charlie, Notwes Santo Area Council, Terry Daniel, South Santo Area Tu, Malon Rasu, West Malo Area Council, Sul Neversevette, Big Bay Coast mo Samuel Kenneth West Coast Santo Area Council.

Vula Charlie, one long apointed eria administrator we i lukaotem notwes Santo, i talem se apointmen ia bae i alaoem hem blong save rispon kwiktaem long wan unauthorized vessel we i kam sho long ol komuniti long notwes Santo.

Hem i talem se apointmen ia bae i muvum kavman i kam kolosap long pipol.

Mr Charlie i talem se naoia oli ripresentem customs dipatmen long ol eria kaonsel we oli lukaotem.

Apointmen ia hem i blong six manis mo i bin hapen long Penama, Malampa mo Torba provins long not.

 

(Visited 72 times, 1 visits today)

About The Author

You might be interested in