Skul i saspen long Shefa mo Tafea

Ministry blong Education mo Training i saspendem ol skul aktiviti long Shefa mo Tafea folem rabis weta blong Tropikol low presa bitwin Vanuatu mo New Caledonia.

Principal Education Ofisa blong Shefa, David Naviti, i askem ol skul principal blong tekem extra mesa blong kipim i sef ol skul fasiliti folem hevi ren mo strong inlan win woning.

Mr Naviti i advaesem tu ol skul prinicipal blong Tafea mo Shefa blong listen oltaem long ol weta mesej.

Ministry blong Education mo Training i talem se bae ol skul i open bakegen taem system hemi aot long kaontri.

Resen blong saspendem skul hemi from sefti blong ol skul pikinini mo tija.