Sola sistem blong daonem kost long VIT

Niu solar pawa sistem blong Vanuatu Institute blong Technology i kost VT 4.6 million.

Chairman blong skul council, Fremden Shedrack, Acting Principal blong Vanuatu Institute blong Technology, Wade Evans, mo Deputy Principle, Joseph Molkis i talem se oli glad bigwan long sola sistem ia from bae i help daonem ol kost long skul we i hae tumas.

Vanuatu Institute blong Technology i stap spendem samples long VT 600,000 long bill blong electriciti long wan manis long ol operesen blong hem.

Engineer blong E-Tech kampani, Sashi Singh, i talem se sola pawa sistem ia, hemi 126 sola panel long tri difren ruf blong skul  wetem 34.7 Kilowatt i disaen blong wok mo kivim pawa long ol fasiliti blong Vanuatu Institute blong Technology.

Hemi talem se taem sun i shaen, bae i givim moa pawa mo electriciti saplae blong UNELCO bae skul i save yusum nomo taem i kat ren mo sola sistem i nosave jaj gud.

Country Director blong Australia Pacific Technical College, Anna Naupa, i talem se oli glad tumas blong sapotem projek ia from i afektem everi wan.

“ Isu blong electriciti kost hemi prioriti eria blong adresem tru long patnaship wetem Vanuatu Institute blong Technology,” hemi talem.

Director blong Tertiary Education anda long Ministry blong Education mo Training, Ann-Rose Tjiopang, i talem se eletrisiti kost hemi wan bikfala konsen tete long ol trening institution.

Hemi talem se wetem hem ia mi wantem extendem wan nara request blong yumi lukluk long hem tu.

“ Ol nara institution blong yumi olsem Vanuatu Institution blong Teachers Education, Maritime college, Vanuatu Agriculture college, Nursing School mo Vanuatu Police college hemi ol mein institution we i stap operate  mo olsem wanem sapos yumi save aplaem semak projek blong sola ia long ol nara institution long kaontri tu.

Hemia hemi namba tri projek long Port Vila blong muv i ko long Solar pawa sistem.

I kat feswan long Palamen Haos mo narawan long Ministry blong Climate Change.

(Visited 20 times, 1 visits today)

About The Author

You might be interested in