Solomon Islands i ripotem fes COVID ded

Ol health otoriti long Solomon Islands i ripotem fes tu COVID-19 ded.

Solomon Business Magazine i ripotem se Minista blong Health, Culwick Togamana, i anaonsem tufala ded ia long Tuesday aftanun long wik ia wetem 650 kes blong COVID-19 we oli rikodem long Tuesday lunj taem.

Tufala vitim ia hemi wan woman we i kat 51 yia mo wan man we i kat 59 yia we tufala i kat sik suka mo hae blood presa bifo kasem virus ia.

Tufala i ded long Monday naet long National Referral hospital.

Mr Togamana i talem se ol health otoriti i expektem moa kes long ol dei we i kam taem komuniti transmisen i stap spread naoia long capital mo sam provinsiol eria.

Long Tuesday 6pm lokol taem, wan fo dei lokdaon i stap long efek long capital Honiara.

-RNZ-

(Visited 59 times, 1 visits today)

About The Author

You might be interested in