State blong Emergengy i kivim moa taem long helt blong pripea

Spokespersen blong COVID-19 i talem se extensen blong State blong Emergency hemi blong alaoem moa taem blong pripea from ol equipmen blong Coronavirus.

Russel Tamata i talem se Kavman i wandem priperem gud health system espeseli ol hospital bifo hemi openem boda.

Hemi talem se hemia i folem bigfala ekomomik impak we coronavirus i kosem long Vanuatu.

“Clinical response plan blong Vila Central Hospital mo Northern Provincial hospital hemi no fuli operationol ,” Mr Tamata i talem.

“Mo extensen blong State blong Emergency ia bae i kivim moa taem long ol othoriti konsen blong wok vinisim.

“Yumi bin mekem sam impruvmen mbe plan ia hemi blong yumi mas implementem o mekem i wok.”

Clinical response plan hemi blong help adresem eni outbreak blong COVID- 19.

Council blong ol Ministers i apruvem extension blong State blong Emergency kasem long July 2021.

Public Relation Ofisa blong Kavman, Fred Vurobaravo, i talem tru long social media se resen blong extensen hemi from developmen blong niu virus blong COVID- 19.

Hemi talem se wetem rikomendesen mo apruvol blong kavman ia long State blong Emergency, i mekem se naoia bae hemi namba tri nao we Vanuatu kavman i putum from COVID- 19.

“Current State blong Emergency blong COVID-19 i bin stat long 11 July mo bae i en long 31 December,” hemi talem.

Head blong State, His Excellency, Pastor Obed Moses Tallis, i saenem State blong Emergency long namba 24 December afta we Council blong ol Minista i bin apruvum long manis ia nomo.

Mr Vurobaravu i talem se Council blong ol Minista i instraktem ol kavman agensi blong complae wetem ol direksen mo advaes blong National Disasta Committee.

Hemi talem se Council blong ol Minista i instraktem evri line kavman ministry blong re-prioritizem ol risos blong olketa blong faetem spred blong sik coronavirus long kaontri.

“Direksen i ko long Minister blong Climate Change, Honoroble Bruno Leingkone mo hemi isuem ol regulation oda bifo en blong December 2020,” Mr Vurobaravu i talem.

“Ol regulation ia hemi blong Ministry blong Internal Affairs i mekem sua se pis mo securiti i meintain oltaem.

“Impruvum ol health fasiliti blong complae wetem standard blong COVID-19.

“Ministry blong Infrastracture mo Public Utilities i mas meintenem international boda restriksen inline wetem COVID-19 mesa.

“Strong restriksen long media ova long hao oli ripotem developmen blong COVID-19, responsibol ripot hemi wanem we stret long kaen situasen olsem.”

Niufala State blong Emergency ia bae i stat long namba 01 January mo bae i en long 31 July 2021. Exetensen ia i stap anda long Disaster Risk Management Act no 23 blong 2019.

 

(Visited 405 times, 1 visits today)

About The Author

You might be interested in