Strik niu COVID rul

Kavman bae i putum moa strik rul blong COVID-19.

Minista blong Health, Honoroble Bruno Leingkone i talem se kavman i konsen long muvmen blong ol pipol folem hae namba blong COVID-19 kes.

Minista Leingkone i talem se Council blong ol Minista bae i mit blong lukluk long ol strik rul long nekis wik.

Ol COVID-19 protocol i stap inples from we main sos blong spred blong COVID hemi pipol. Time virus i pas long wan man i ko long nara man. Blong daonem ol health pipol raon long wol oli introdusum, Mask, Social distancing mo body hygience olsem washem hand oltaem. Hemi wan saksesful protocol we fulap kaontri raon long world i yusum.

Long toktok blong Minista Leingkone hemi wonem pipol se curfew blong 6pm kasem 6am long moning hemi stap semak mo i nogat eni oda we hemi saenem blong ol mama i salem VT20 kasem 8pm long naet.

Minista blong Internal Affairs mo semtaem Honoroble Deputy Prime Minista, Honoroble Ismael Kalsakau, i bin talem long toktok blong hem long Tuesday wik ia, se bae oli lukluk bak long curfew ia blong save alaoem ol mama blong VT20 i sale mo helpem laef long hom.

 

(Visited 1781 times, 1 visits today)

About The Author

You might be interested in